Alketa Maksuti Beqari: JAM DRITË

Alketa Maksuti Beqari

JAM DRITË

Nëse jam pjesëz apo valë

jam dritë.

Brenda kozmozit gjendem

e tillë.

Më pranoni apo kundërshtoni

jam dritë.

Brenda jush ndodhem

e tillë.

Nëse magnetizoj apo gravitoj

jam dritë.

Brenda kozmosit lundroj

si e tillë.

Natyra ime është e dyfishtë

jam dritë.

Brenda jush përplasem

jam e tillë.

Kërcej apo përkulem

jam dritë.

Brenda kozmosit unike

jam e tillë.

Rrezatoj apo përthithem

jam dritë.

Brenda jush ndriçoj

si e tillë.